Policia shoqëron drejtuesin e mjetit që shkaktoi aksidentin
Një aksident që ndodhi në mesditë në autostradën Tiranë-Durrës i ka marrë jetën një kalimtari. Viktima, një 55-vjeçar është përplasur nga një automjet teksa po kalonte rrugën. Policia ende nuk e ka identifikuar viktimin në një kohë që autori, Alban Kostallari 31 vjeç, është shoqëruar në komisariat. Në njoftimin e policisë thuhet se: “Më datë 03.04.2016, në autostradën Tiranë-Durrës, në afërsi të një qendre tregtare, ka ndodhur një aksident, me pasojë vdekjen. Shtetasi Alban Kostallari, 31 vjeç, banues në Tiranë, duke drejtuar mjetin tip “Peugeot”, ka aksidentuar me pasojë vdekjen një shtetas ende të pa paidentifikuar . Punohet për identifikimin e viktimës. Të dhënat e personit të aksidentuar: i moshës 50-55 vjeç, i gjatë, i hollë, rreth 170 cm, i veshur me xhup të zi të hollë, me xhinse blu të zbardhura, me një palë atlete sportive ngjyrë kafe, me fytyrë normale, flokë dhe mjekër të thinjur”, sqaron policia.
