Kryeministri: Çertifikatat e pronësisë për tokën bujqësore, falas
Kryeministri Edi Rama ka shpërndarë në Novoselë të Vlorës 150 çertifikatat e para të pronësisë mbi tokën bujqësore. Kreu i qeverisë ka njoftuar se çertifikatat e pronësisë mbi tokën bujqësore do të jenë falas. “Çertifikatat e pronësisë për tokën bujqësore, falas. Do të ndiqet modeli i legalizimit të shtëpive në zonat informale. Një mesazh, të gjithë fermerëve, të gjitha familjeve që jetojnë prej vitesh me tokën; shërbimi plotësisht falas nga ana shtetit, përmes një bashkëpunimi tanimë të ndërtuar mes bashkive, njësive administrative dhe hipotekës. Përveç burokracisë, problem per fermeret ka qene tarifa e papërballueshme për të përgatitur dokumentacionin.Qeveria merr tërësisht përsipër këtë kosto. Marrja e titullit të pronësisë,një proces jetik. Sipas Ramës për të marrë çertifikatën e pronësisë për tokën bujqësore mjaftojnë vetëm 3 dokumente. “Kryefamiljari të paraqitet në bashkinë përkatëse, përmes njësive administrative të depozitojë kërkesën, aktin e marrjes së tokës në pronësi dhe çertifikatën familjare. Mjaftojnë këto 3 dokumente për të marrë çertifikatën e pronësisë së tokës bujqësore,” ka deklaruar kryeministri Rama.
