Gazetarja bullgare, Viktoria Marinova njëherësh drejtuese e televizionit TVN është gjetur e vdekur këtë të shtune pranë bregut të lumit Danub në Bullgari.
Organet kopetente vendase kanë ni sur hetimet, ndërsa ka dyshime se vrasja është e lidhur me profesionin e 30-vjeçares.
Vdekja e saj menjëherë tërhoqi vëmendjen edhe të ndërkombëtarëve . “I tronditur nga vrasja e tmerrshme e gazetares investigative Viktoria Marinova,” shkroi Harlem Desir, përfaqësues i lirisë së medias për Projektin e Raportimit të Krimit të Organizuar dhe Korrupsionit (OSBE), ku Marinova ishte anëtare.
Marinova pak ditë më parë intervistoi gazetarin investigativ rumun, Atila Biro dhe kolegun bullgar, Dimitar Stojanov, të cilët u arrestuan kohë më parë teksa po hetonin shkatërrimin e dokumenteve që gjoja implikuan konsulentët lidhur me kompaninë e infrastrukturës GP Group për manipulimin e tenderëve të BE-së.
Bullgaria konsiderohet vendi më i keq në BE kur është fjala për lirinë e shtypit, sipas Reporterëve me Kufij.
Organizata thotë se gazetarët hulumtues në vend “shpesh janë të nënshtruar ndaj presioneve, nga kërcënimet dhe sulmet fizike ndaj tyre apo pronës së tyre”.
