“Ambasada tha se për rastin konkrete nuk kishte besimin e plotë që prokurori do kthehej në Shqipëri”
Prokurori i Përgjithshëm Adriatik Llalla ka sqaruar problematikën e njërit prej anëtarëve të delegacionit të tij në SHBA dhe arsyet pse ai u ndalua të hynte në Shtete e Bashkuara të Amerikës. Në një intervistë për “Zërin e Amerikës” kryeprokurori tha se SHBA-të nuk kishte besim se prokurorit të Durrësit, Agron Gjana që iu anulua viza do të kthehej përsëri në Shqipëri. “Viza për prokurorin nuk u dha nga ambasada për shkaqe të bëra publike. Në fillim ambasada tha se dokumentacioni nuk ishte i plotë. Pastaj ambasada tha se për rastin konkrete nuk kishte besimin e plotë që prokurori do kthehej në Shqipëri.
Prokuroria ka qenë i angazhuar për të pastruar radhët e veta nga shkelësit e ligjit. Ne arrestuam 2 prokurorë që janë në proces gjykimi të akuzuar për korrupsion. Institucioni ynë është i angazhuar për të hetuar radhët tona dhe më pas për këdo”, ka thënë Llalla.
I pyetur në lidhje me deklaratën e ambasadorit Donald Lu se kush ka orë të shtrenjtë është i korruptuar, Llalla tha:
Llalla: Në Shqipëri ka një institucin që merret me verifkimin e pasurive të zyrtarëve. Nëse një zyrtar zotëron orë apo pasuri nuk do të thotë se është kriminel. Të gjitha rastet ne i verifikojmë, kur zyrtari nuk ka justifikuar pasurinë ai është hetuar”
Llalla shprehu edhe një shqetësim, për mosbesim të qytetarëve në institucione të tjera. Si pasojë e kësaj tha Llall kallëzimet bëhen në Prokurori, duke e ngarkuar punën e këtij institucioni.
Llalla: Korrupsioni është shqetësues për vendin tonë. Prokuroria ka përmbushur në mënyrë korrekte detyrën e saj. Ka vënë para përgjegjësi zyrtarë të lartë. Nuk them se kjo është mënyra më ë mirë, po mendoj se kemi bërë punën në mënyrën korrekte.Institucione të tjera kanë për detyrim verifikim te dhënvae dhe tja vënë në dispozcion prokurorisë.
Nga mungesa e besimit të mjaft strukturave, qytetarët kanë tendencë që kallëzimet ti bëjnë në Prokurori, duke e ngarkuar institucionin tonë që është e papërballueshme. Këto kallëzime duhen bërë në institucione të tjera, si në polic, dogana apo tatime.
Llalla u pyet edhe për rastin e vrasjes së bankerit Artan Santo, për të cilin tha se hetimet vazhdojnë. “Rasti i Santos është pa pautorë, hetimet po zhvillohen me policinë e shtetit”, tha Llalla.
