Rënia më e madhe që nga qershori i vitit 2015
Rënia drastike e normave të interest po nxit gjithnjë e më shumë rënien e nivelit të depozitave në banka. Për muajin shkurt 2016 nga bankat janë larguar 32 milion euo, rënia kjo më e madhe që prej prej qershorit 2015, kur largimi i kursimeve u nxit nga situata e bankave në Greqi. Banka e Shqipërisë raportoi se depozitat në fund të shkurtit ishin 982 miliardë lekë ose 3.9 miliardë lekë më pa se në janar 2016. Rënien e ka shkaktuar largimi i depozitave me afat të individëve. Vetëm gjatë vitit të kaluar, rënia e depozitave me afat të individëve në lekë ishte rreth 220 milionë euro. Duke qenë se tashmë interesi mesatar i depozitave të reja me afat maturimi 12 mujor është vetëm 1.15 për qind, nivel minimal rekord, qytetarët po preferojnë ti investojnë paratë e tyre në drejtime të tjera shpesh edhe të rrezikshme.
