Babai i një vajze 19 muajshe në Maqellarë të Dibrës i ka bërë thirrje shtetit për ta ndihmuar, pasi vajza e tij jeton prej gjashtë muajsh e vetme në shtëpi. Altin Çollaku detyrohet ta kyçë të bijën në shtëpi, sepse duhet të punojë për shkak të gjendjes së rënduar ekonomike. Vajza jeton e vetme, pasi nëna e ka braktisur dhe është martuar me dikë tjetër. Zgjidhja që i ka mbetur të atit është mbyllja e çikës në shtëpi gjatë kohës që është në punë.
“Vajzën nuk ka kush t’a mbajë, kurse unë duhet të punoj, sepse gjendja ime ekonomike është shumë e vështirë. Ajo qëndron vetëm në banesë prej gjashtë muajsh qysh kur nëna e braktisi pasi u martua me një tjetër person. Kërkoj ndihmën e shtetit, sepse jetojmë në një dhomë të ndërtuar me baltë dhe gjendja ekonomike është shumë e vështirë”, shprehet babai i vajzës.
/news24/
