Nëse ligji do të zbatohej për secilin qytetar të Shqipërisë, atëherë askush nuk do të kishte nevojë të falenderonte politikanët që po kryejnë detyrën për të cilën janë zgjedhur nga taksapaguesit. Mirëpo kalvari i gjatë i padrejtësive, i bën shqiptarët të falenderojnë pafund kur problemi zgjidhet…me vonesë.
Redi Kola tha se pas 8 vitesh kishte marrë certifikatën e pronësisë, ndërsa e prekur falenderoi Ramën dhe i kërkoi live kryeministrit një përqafim, në shenjë mirënjohje për problemin që i ishte zgjidhur.
“Kam 8 vite që më është bërë padrejtësi nga Hipoteka. Prona iu hoq burrit tim, dhe iu dha vjehrrës. Ia morën. Ngelëm dyerve të Hipotekës, dhe me vuajtje e halle se kam lindur e madhe, kam dy vajza. Faleminderit shumë për këtë që bëtë. Donin të vinin dhe vajzat, dhe më thanë; mami të lutem bëj një fotografi me Edi Ramën. Dua të të përqafoj. Më keni bërë gruan më të lumtur në botë, njëherë kur kanë lindur fëmijët dhe sot”, tha gruaja e prekur.
