Në Luzhniki stadiumin e finales së madhe Rusia vendase do të përballet sot me Spanjën duke nisur nga ora 16:00 në kuadër të fazës së 1/8. Spanja fitoi grupin A dhe djemtë e drejtuar nga Hierro kanë treguar se janë një skuadër e organizuar por tani e tutje duhet të tregohen më shumë konkret pasi gabimin edhe më të vogël e paguan shtrenjtë.
Spanja gjen Rusinë në rrugën e saj pas 10 vitesh. Iberikët i mposhtnin rusët 3-0 në gjysmëfinalen e Euro 2008. Formacioni i furive të kuqe që do zbres në fushë ndaj të zotëve të shtëpisë do të ketë vetëm një ndryshim të madh. Rodrigo pritet të zërë vendin e Diego Costa në majën e sulmit ndërsa trajneri Fernando Hierro në konferencë deklaron:
” Rusia është një skuadër e vështirë për tu përballur pasi lojtarët e saj kanë gjatësi, forcë fizike dhe teknikë por ne do të kërkojnë pikën e dobët ku t;i godasim. Lojtarët e mi janë në një formë shumë të mirë dhe kemi besim se do kalojmë “ e mbyll tekniku i iberikëve. Ndërsa të zotët e shtepisë pas dy ndeshje të para shumë të mira u thyen në ndeshjen e tretë nga Uruguaj por do të kenë mbështetjen e 80 mijë të pranishmëve në Luzhniki për të arritur një kualifkim të madh.Trajneri Stanislav Cherchesov analizon përballjen ndaj Spanjës:” Ata kanë lojtarë të mëdhenjë që luajnë në klubet më të mira europiane dhe është Spanja favorite por ne do të kërkojmë që ta arrijmë nivelin e tyre “ e mbyll tekniku i vendasve. 4-2-3-1 pritet të jetë skema që do përdorë Rusia ndaj iberikëve me Dzyuba në majën e sulmit ndërsa duelin e arbitron holandezi Bjorn Kuipers.
