Një 24-vjeçar nga Shqipëria është arrestuar nga autoritetet itraliane, pasi e kishte kthyer shtëpinë në vend për shitjen e drogës.
Bëhet fjalë për të riun me inicialet K.P, i cili shiste doza kokaine nga shtëpia.
Megjithëse ishte arrestuar në flagrancë majin e kaluar, ai e ka vijuar aktivitetin e paligjshëm, duke e kthyer shtëpinë e tij brenda një periudhe të shkurtër kohore në një bazë të vërtetë të shitjes së kokainës.
Shqiptari furnizohej vetë me lëndën narkotike dhe më pas në shtëpi e ndante me doza dhe ua shiste klientëve.
Policia ka arritur të identifikojë shumë klientë të të riut, të cilët vinin vetë dhe blinin drogën në shtëpinë e tij në Teramo.
Pas kërkesës së prokurorit, gjykatësi i Teramos nënshkroi fletarrestimin kundër 24-vjeçarit.
