Policia ka arrestuar autorin e vjedhjes së parave dhe dokumenteve të dy turistëve nga Polonia.
Bujar Hyseni, 44 vjeç, banues në Memaliaj, akuzohet për vjedhjen e sendeve në motorin e turistëve.
Ata e kishin lënë mjetin të parkuar në parkingun e një lokali, në zonën e Krahësit Tepelenë.
Ai ka vjedhur nga çanta, të cilën turistët e kishin lënë mbi motor, jashtë lokalit ku po drekonin, portofolin me lekë, pasaportën dhe disa dokumente të turistëve polakë, T.C, 46 vjeç dhe A.C, 47 vjeçe.
Materialet në ngarkim të shtetasit të arrestuar i kaluan Prokurorisë pranë Gjykatës së Shkallës së Parë Gjirokastër.
