Mediat hollandeze konfirmojnë se janë 480 kërkesa për azil në dy muajt e parë të këtij viti nga shtetasit shqiptarë. Mediat e këtij vendi konfirmojnë se numri i shqiptarëve që kanë kërkuar azil në periudhën janar-shkurt të këtij viti është më i lartë se i sirianëve. Në vendet ë tjera të Bashkimit Evropian, shqiptarët janë të dytët pas sirianëve për nga numri i kërkesave për azil.
Ndërkohë që Bashkimi Evropian e ka përcaktuar Shqipërinë si vend të sigurt origjine dhe ka pak gjasa që shqiptarët të përfitojnë azil në këto vende. Megjithatë, sa vjen e rritet numri i azilkërkuesve shqiptarë në vendet e BE-së.
