Më 10 qershor, Bashkia e Tiranës do të mirëpresë Triatlon, një sport që bashkon tre disiplinat sportive më të njohura dhe të praktikuara në një garë të vetme: not, çiklizëm, vrap në Liqenin e Farkës.
Përmes një postimi në twitter, kryebashkiaku Veliaj u ka bërë thirrje të gjithë të apasionuarve pas sportit që të bëhen pjesë e kësaj sfide sportive, por që do të jetë njëherësh edhe shumë argëtuese me festën që do të organizohet pas gare.
“Jo vetëm destinacioni i preferuar i fundjavës, por Liqeni i Farkës tani është edhe vendi perfekt për gara sportive! Tirana – Triathlon, një garë emocionuese dhe plot sfida. Not, çiklizëm, vrap në një super event. Mos mungo”, shkruan Veliaj.
Shpërblimi për fituesit për secilën kategori femër/mashkull do të jetë: Vendi I 500€; Vendi II 300€; Vendi III 200€ . Regjistrimi bëhet duke klikuar këtu: http://www.tirana.al/tirana-triathlon/
