Kryeministri Edi Rama ka deklaruar se brenda pak javësh do të nisi puna në kantierin e Rrugës së Arbrit.
Në fushatën e qeverisë për llogaridhënie publike të zhvilluar në Lezhë, Rama tha se kjo do të rrisë punësimin dhe ekonominë, do të ketë një impakt mjaft të rëndësishëm në ekonomi.
“Do të fillojë puna dhe nuk do të ndalojë më në këtë rrugë. Do të vazhdojmë edhe me disa investime në jug. Ama pa borxhe dhe pa gropa financiare. Çdo rrugë do të fillojë dhe do të mbarojë. Kjo do të rrisë punësimin dhe ekonominë, do të ketë një impakt mjaft të rëndësishëm në ekonomi”, tha Rama.
Gjithashtu, Rama njoftoi edhe nisjen e punës për rrugën Milot-Balldren, për të cilën tha se do të jetë një rrugë e standardeve ndërkombëtare.
