BERZH: Kredia do të jepet e ndarë në dy pjesë
KESH do të marrë kredi për të shlyer borxhet. BERZH ka njoftuar se do të mbështesë reformat e ristrukturimit të kësaj ndërmarrje shtetërore shqiptare. Kjo do të bëhet nëpërmjet rifinancimit të borxhin afat-shkurtër me një kredi 218 milionë euro. Kredia është në pritje të shqyrtimit përfundimtar, dhe sipas zyrtarëve të BERZH, me të sigurohet qëndrueshmëria afatgjatë e KESH-it dhe të sektorit të energjisë shqiptare në përgjithësi. “Të ardhurat e kredisë do të përdoren për të rifinancuar dhe zgjatur, overdraftet të garantuar me afat të shkurtër, të cilat KESH i ka marrë në bankat komerciale, si nevojë emergjente dhe të cilat kërkojnë miratimin vjetor”- thekson BERZH. Banka gjithashtu bën të ditur se kredia prej 218 milionë euro do të jepet me dy ndarje.
KESH është ndërmarrja më e madhe në prodhimin dhe furnizimin me energji elektrike. Korporata furnizon pothuajse 70 për qind të kërkesës për energji elektrike të Shqipërisë, dhe njëkohësisht është blerësja e enegjisë së prodhuar nga sektori privat vendas.
