Një aksident tragjik ka ndodhur pasditen e sotme në aksin Adriatik-Kurbin, ku humbën jetën tre të rinj.
Makina tip “Lancia”, me targa AA 389 MO, doli nga rruga dhe përfundoi në kanal.
Për pasojë kanë humbur jetën në vendin e ngjarjes të 3 shtetasit që ndodheshin në mjet. Mësuar se viktimat janë, Jul Margjoni, 22 vjeç, banues në Kombinat të Tiranës, Simon Kaza, 20 vjeç, dhe Bert Marku, 17 vjeç, të dy banues në Adriatik të Kurbinit.
Bëhet me dije se shkak është bërë shpejtësia me të cilën lëvizte drejtuesi i makinës, i cili dyshohet se ka qenë në gjendje të dehur.
Grupi hetimor po vazhdon hetimet për zbardhjen e plotë të shkaqeve të aksidentit.
