Nuk është një ndeshje si gjithë të tjerat ajo e ditës së sotme në Madrid. Reali do të presë Bajernin për gjysmëfinalen e dytë të Champions-it. Në stadium të gjitha biletat janë shitur dhe do të ketë në kapacitetin e tij maksimal 81.000 shikues. Rreth 4000 do të jenë tifozë të ardhur nga Mynihu.
Rreziku në këtë takim vlerësohet i madh nga UEFA dhe autoritetet vendëse, kjo jo se në të shkuarën nuk ka pasur asnjë incident të rëndë midis të tifozërive, por frika nga ndonjë sulm i mundshëm terrorist, nisur edhe nga ngjarjet e fundit në ndeshjen Liverpul-Roma ku mbeti i plagosur rëndë një tifoz anglez, ka detyruar palët të marrin masa ekstreme. Rreth 2100 policë do të jenë të angazhuar për të ruajtur qetësinë në stadium dhe jashtë tij.
