Gjykatësit e Tribunalit të Kombeve të Bashkuara të Hagës, dënoi me 40 vjet burg ish-liderin e serbëve të Bosnjës, Radovan Karaxhiç. Ai u shpall fajtor për gjenocid dhe krime kundër njerëzimit. Gjykata tha se si komandant suprem i Republikës Serbe të Bosnjës, Karaxhiç në vitin 1995 kontrolloi forcat serbe që masakruan 8000 burra dhe djemë myslimanë në Srebrenicë.
Karaxhic, që qëndroi në arrati për 13 vjet pasi u akuzua në 1995, po ashtu përballet edhe me akuza në lidhje me rrethimin 43 mujor të kryeqytetit boshnjak, Sarajevë, ku vdiqën më shumë se 5 mijë civilë.
Ai u arrestua në një autobus në periferi të Beogradit në korrik të vitit 2008, ku kishte jetuar duke u maskuar si një doktor i mjekësisë alternative. Karaxhiç kishte rritur flokët, kishte lënë mjekër dhe kishte vendosur syze për të mos u njohur. Pas arrestimit, u ekstradua në Holandë për t’u përballur me gjykatësit e Hagës.
