Nga Dhurata Çupi Tyli
Parlamenti është i sovranit dhe ne jemi aty për të mbrojtur interesat e tij.
Gratë parlamentare më së shumti duhet të jenë në atë pozicion për të përfaqësuar e mbrojtur interesat e grave shqiptare kudo.
Pas seancës së sotme në kuvend, një situatë e paralajmëruar nga reagimi qytetarë prej ditësh, është kërkuar nga gratë deputete të maxhorancës të mblidhet Aleanca e Grave Deputete.
Për këtë arsye duke qenë në krye të kësaj Aleance e gjej me vend një reagim, ku dua të theksoj se ky organizëm parlamentar nuk mund të ketë qëllim kryesor të tij thjeshtë mbrojtjen e grave deputete, por të grave në gjithë vendin si dhe hartimin e politikave për të mbrotjtur ato.
Ne nuk mund të mblidhemi sa herë zihen ngushtë kryeministrat burra të çdo lloj force politike qofshin apo pèrfaqësojnë.
Ndërsa në rastin konkret kemi përballë njè kryeministër që çdo ditë e sa herë i jepet rasti, tallet e fyen gratë e që nuk kursen asnje fjalë nga fjalori i dhunshëm apo kërcënon pa teklif këdo, çdo familje dhe cdo ditë, përmes politikave të tij dëshpëruese e verferuese.
Ne duhet e do të mblidhemi gjithmonë për të dhënë zgjidhje e propozime për gratë e dhunuara, të diskriminuara, ato të cilat vuajnë nga mungesa e politikave të zhvillimit ekonomik, barazisë apo cdo lloj fenomeni që ua vështirëson jetën cdo ditë.
Për këtë arsye mendoj që për sa kohë ne e kemi të qartë misionin tonë e konsideroj të pakuptimtë një kërkesë të tillë nga gratë parlamentare.
Zonjat në Parlament duhet të jenë shpresa dhe optimizmi nga e cila presin mijëra gra ne gjithë Shqipërinë.
Ndërkaq panorama e revoltës në Parlament vjen si një vokacion i qytetarëve shqiptarë për gjendjen ekonomike dhe kushtet në të cilat ata jetojnë.
