Qeveria: Përfituesit do të jenë nga qarqet Elbasan, Vlorë e Tiranë
Qeveria ka ndërmarrë dje një sërë vendimesh të rëndësishme për pronat mes të cilëve edhe shpërblimin e pronarëve për tokat e zëna nga ndërtimet informale në qarqet Elbasan, Vlorë dhe Tiranë. Sipas vendimit të qeverisë përfitues do të jenë pronarët e këtyre zonave në qarqet Elbasan, Vlorë dhe Tiranë, të cilët së bashku do të kompensohen financiarisht me një vlerë të përgjithshme prej 338.8 milion lekë për një sipërfaqe totale prej 16.7 mijë metra katrorë.
Dje qeveria vendosi nisjen e kompensimit fizik dhe financiar për të gjithë pronarët. Për vitin 2016 janë caktuar 26 milion dollarë si kompensim financiar.
Po dje qeveria ka marrë një vendim për mënyrën e organizimit dhe funksionimit të agjensisë së trajtimit të pronës, një institucion që ka si mision ofrimin direkt të shërbimeve publike për cështjet e pazgjidhura të pronave.
