“Nuk jemi në një siutatë paniku, por kërkojmë bashkëpunim me publikun që duhet të jetë i hapur me policinë”
Drejtori i Sigurisë Publike në Policinë e Shtetit Altin Qato tha në një intervistë për Ora News, se Shqipëria nuk është imune nga sulmet terroriste por se nuk ka asnjë informacion kërcënues ndaj vendit tonë. Qato tha se duke parë një siutatë të përgjithshme ne kemi vlerëszuar dhe kemi një program për të përforucar masat për të parandaluar ngjarje të tilla.
“ Ne nuk jemi në një shkallë risku të shkallës së lartë. Ne kemi vlerësuar situatën në rajon, kemi bërë përforcimin e shërbimeve por nuk disponojmë informacione konkrete që mund të ketë ngjarje të tilla në vendin tonë. Ne kemi një plan veprimi të përcaktuar saktë që veprojnë në terren. Kemi të përcaktuara saktë objektet që paraqesin risk të shtuar dhe kjo mbulohet duke i mbajtur në kontroll. Aeroporti është një nga objektet e rëndësisë së vecante. Janë përcaktuar rëndësia e institucioneve, ambientet publike etj. Ne nuk jemi në një siutatë paniku, por kërkojmë bashkëpunim me publikun që duhet të jetë i hapur me policinë, sepse nuk mund të përballojmë dot situatën pa ndihmën e publikut”, tha Qato.
