Një aksident i rëndë ka ndodhur pasditen e sotme në aksin rrugor Gjirokastër-Tepelenë, ku për pasojë një person ka humbur jetën dhe një tjetër është plagosur.
Mësohet se një makinë është përplasur me një zetor, i cili i ka prerë rrugën pranë vendit të quajtur “Ura e Kardhiqit”.
Si pasojë e përplasjes ka humbur jetën shoferi i makinës, 35-vjeçari Klajdi Ngjelina, ndërsa i plagosur ka mbetur babai i tij Sali Ngjelina, i cili është dërguar në spitalin e Gjirokastrës, në gjendje të rëndë.
Policia ka nisur hetimet për zbardhjet e plotë të rrethanave dhe shkaqeve të aksidentit.
