Pas arrestimit të kryebashkiakut të Lezhës, Fran Frrokaj, Policia e Shtetit bëri publike listën me 23 emra të përfshirë në skandalin e pronave në bregdetin e Lezhës.
Ndërkaq, ajo çka binte në sy ishte emri i mbrojtësit të Vllaznisë, Renato Malota.
Ndaj këtij të fundit është lëshuar një urdhër arresti, ndërsa mësohet të ketë qenë pjesë e skemës së mashtrimit. Por, në lidhje me përfshirje e emrit të tij në listën e të akuzarve ka reaguar futbollisti Malota. Ai shprehet që ky është një lapsus i policisë, pasi në këto momente ai është duke shkuar në stërvitje si zakonisht.
Ai thekson se ky është një gabim, pasi ai ka një nga biznes në zonën, ku është bërë tjetërsimi i pronës nga ana bashkisë së Lezhës.
“Tani që po flas me ju, po shkoj në stërvitje. Ky është një lapsus, nuk ka lidhje me emrin tim. Ndoshta janë ngatërruar, ngaqë edhe unë kam biznesin tim aty. Janë futur shumë emra dhe unë jam gabimisht mes tyre. Duke qenë se kam edhe një lokal në pronësi aty, këtu ndoshta është bërë edhe ngatërresa. Jam i qetë, nuk kam bërë asgjë të paligjshme”, – deklaroi Malota.
http://www.gsh.al/2018/03/16/i-perfshire-ne-mashtrimin-me-pronat-ne-lezhe-reagon-futbollisti-i-vllaznise/
