Kryeministri Edi Rama ka prezantuar pasditen e sotme projetin e ri për Teatrin e ri Kombëtar.
Në prani të aktorëve, artistëve të tjerë dhe grupeve të interesit, Rama tha se godina ekzistuese do të shembet, për t’i hapur rrugë teatrit të ri modern.
“Do shembet sepse është jashtë çdo lloj standardi përt t’u konsideruar një teatër komune, dhe jo më Teatër Kombëtar. Është krijuar mundësia që, mes sipërmarrjes, qeveverisë dhe bashkisë së Tiranës, të punohet për t’i dhënë këtij vendi teatrin e merituar kombëtar. Nuk është teatër me kullë, por nuk do ishte mëkat nëse do të ishte edhe me kullë.
Shpenzuam për të përmirësuar kushtet ekzistuese të godinës së teatrit, që pati disa ndërhyrje për të krijuar disa mundësi minimale, sistem minimal sigurie dhe ngrohje. Filluam ndërtimin e qendrës së re multifunksionale me dy skena teratri”, vijoi më tej kreu i qeverisë.
Rama tha se Turbina nuk është zëvendësuese e përhershme e Teatrit Komëbtar, por do të shërbejë deri kur të ndërtohet teatri i ri.
