Në Shqipëri në disa raste zjarrëfikësja nuk depërton dot mes pallateve për të fikur zjarrin, në të tjera vonon për të mbërritur në destinacion, por ka raste edhe më të rralla. Një zjarrfikës është pushuar nga puna se ka fikur zjarrin pa pyetur shefin. Ngjarja ka ndodhur në Permet dhe është denoncuar nga zjarrfikësi Elton Sulejmani në emisionin investigativ BOOM.
Elton Sulejmani ka shërbyer si punonjës i shërbimit zjarrfikës në Përmet për 2 vite e 6 muaj, por u pushua nga puna me arsyetimin se nuk priti eprorin e tij për tu nisur në një operacion për fikjen e një zjarri.
Historia e tij nis në 26 shtator 2017 kur Eltoni shkon ne pune si zakonisht. Atë ditë komandanti i turnit mungoi për arsye familjare dhe kjo detyre iu ngarkua Eltonit. Në orën 23:15 vjen një telefonate nga policia ku njoftohet Shërbimi Zjarrefikës se duhet të niset në fshatin Sukë të Përmetit pasi kishte rënë zjarr.
Në këto kushte Eltoni telefonon eprorin e tij Agron Pani për rënien e zjarrit, ndërkohë që ky i fundit ndodhej në shtëpi. Për 27 min Agroni nuk i konfirmoi Eltonit nisjen për te shkuar në fshat dhe për të shuar zjarrin ndërkohe administrator dhe policia merrnin në telefon Eltonin dhe i kërkonin që të nisej për në vendin e ngjarjes.
Në këto kushte Eltoni mërr ne telefon Kryeinspektorin Fredi Lipe i cili atë ditë ndodhej në Tiranë dhe i shpjegon si është situata dhe zoti Lipe i thote Eltonit që të niset për të shuar zjarrin.
Operacioni për shuarjen e flakëve ka përfunduar me sukses por të nesërmen Eltoni është hequr nga puna se ka fikur zjarrin pa urdhrin e eprorit, ndërkohë që ky i fundit për 27 minuta nuk i është përgjigjur.
