Situata në territorin e Bashkisë së Shkodrës deri në orën 16:00 ka paraqitur vështirësi në zonat e përmbytura për shkak të shkarkimeve te HEC-eve si dhe në zonat e thella malore ku kalimi bëhet me shumë vështirësi.
Kështu që në njësinë administrative Ana e Malit janë të përmbytura mbi 700 ha tokë. Ka prezencë uji në rrugën e fshatit Obot, 30-50 cm. Për shkak të shkarkimeve në kaskadën e lumit Drin, përmbytjet e tokave janë shtuar sidomos tre ditët e fundit dhe pritet sedo të vazhdojnë edhe për disa ditë në vijim.
Mjeti i ushtrisë, sipas kërkesës së bërë nga Bashkia Shkodër, vazhdon të jetë i disponueshëm në rrugën e Obotit, për çdo rast nevoje të banorëve për të lehtësuar lëvizjen. Sot nxënësit kanë frekuentuar shkollën rregullisht.
