Një 30-vjeçar shqiptar ka ndërruar jetë në Londër këtë të premte, pas 6 ditësh qëndrim në gjendje të rëndë si pasojë e një sulmi barbar nga disa persona.
Jozef Boci, 30 vjeç, kishte marrë plagë të rënda në kokë pasi ishte qëlluar disa herë me sende të forta nga të paktën tre persona në Greenwich të Londrës.
Policia angleze ka arrestuar si të dyshuar për ngjarjen tre meshkuj, të moshës 20, 21 dhe 29 vjeç.
“Ishte një sulm brutal dhe burracak. U bëjmë thirrje të gjithë atyre që mund të kenë qenë dëshmitarë në këtë incident të japin dëshmitë e tyre”, ka deklaruar inspektori i policisë John Massey.
