Mijëra grekë të organizuar nga shoqatat e grekofonëve të Shqipërisë dhe të përkrahur nga partia naziste greke “Agimi i Artë” kanë parakaluar përpara Kuvendit të Greqisë duke kërkuar shkëputjen e jugut të Shqipërisë, ose Autonominë e Veriut të Epirit. Në krye të këtij manifestimi ishte Babis Karathanos anëtar dhe ish-kandidat për deputet i partisë “Demokracia e Re”, deputetët nazistë Ilias Panajotaros, Ilias Kasidaris. Këta shoqëroheshin nga lukovari Robert Haidi.
Banda muzikore e bashkisë së Athinës luajti himnin “Autonomi për Vorios-Epiros”. Kjo protestë zhvillohet, tani që po zhvillohen bisedimet greko-shqiptare për arrijtjen e një marrëveshje “historike”, siç e quan Rama dhe Bushati. Por, Greqia nga ana e saj organizon tubime dhe manifestime për shkëputjen e jugut të Shqipërisë. E pra, kjo është Greqia e BE-së që i hedh benzinë zjarrit në momentet “historike” të Rama-Tsipras.
Deputetët grekë edhe disa të pranishëm thërrisnin: “Vorio Epiri tokë greke!”, “Epiri tokë greke!”, “Kam një motër, kukull të vërtetë, e quajnë Veriu i Epirit dhe e dua shumë!”.
Këto ishin parrullat e thënë në korr nga deputetët e “Agimit të Artë” dhe përkrahësit e tyre.
Në tubim përpara Kuvendit të Greqisë folën grekët e Shqipërisë, drejtuesit e shoqatës “Rinia e Vorio Epirit”, Ntasis Timoleos, Eleni Dhimu, drejtuesit e shoqatës “Autonomia e 1914”, Stavros Gjinos, Mondi Kolilas, Janis Papas, Thomas Kubulis, publicisti Dhimitrios Perdikis, Thomas Stefos, e plot të tjerë, të cilët mbanin flamurin irridentist të aneksimit të jugut.
Tirana hesht përpara këtyre aktiviteteve të organizuar nga Greqia zyrtare në bashkëpunim me minoritarët grekë të Shqipërisë. Në tubim kishte gjithashtu, përfaqësues të ushtrisë greke EDES të Napoleon Zervës, të cilët kryen masakra kundër popullsisë shqiptare në Çamëri më 1994-1945.
http://news-start.info/wordpress/2018/02/23/greket-tubim-ne-athine-per-aneksimin-e-jugut-te-shqiperise-fotot/
