Vullkani Sinabung në ishullin indonezian të Sumatras, ka shpërthyer një kolonë hiri që është rritur deri në 5 mijë metra në atmosferë, ndërsa retë e nxehta të shkaktuara kanë zbritur përgjatë shpateve të saj. Për fat të mirë, nuk ka pasur asnjë të lënduar.
Vullkani, një nga tre më aktivët aktualisht në Indonezi, kishte mbetur i heshtur për katër shekuj para se të kthehej në shpërthim në vitin 2010, duke vrarë dy persona.
Një shpërthim tjetër në 2014 kishte shkaktuar vdekjen e 16 personave, ndërsa shtatë të tjerë vdiqën në një shpërthim të vitit 2016. Në vitet e fundit rreth 30,000 njerëz janë detyruar të lënë shtëpitë rreth malit.
