“Zyrtarisht Edi Rama i ka eleminuar zgjedhjet në PS”
“Ky kongres legjitimoi marrëzinë e fundit të kryeministrit”. Ky reagim i takon deputetit të PD, Astrit Patozi. Sipas tij nga kongresi socialist ka dalë vetëm një lajm, ai që “Zyrtarisht Edi Rama i ka eleminuar zgjedhjet në Partinë Socialiste, duke shpikur një normë të çuditshme statutore, sipas së cilës kryetari i partisë që fiton zgjedhjet nuk mund të votohet”. Duke hequr një paralele me zgjedhjet në SHBA, Patozi është shprehur se: “Këto çështjet e marrëzisë nganjëherë janë sëmundje ngjitëse. Uroj shumë që kjo flamë e shpifur, e cila ka gjunjëzuar sot partinë kryesore qeverisëse, të mos përhapet më tej, por të karantinizohet tek Partia Socialiste. Dhe meqë nuk jam qytetar amerikan, më lejohet të them se kjo gjë do të ishte po aq e rrezikshme për ne, sa fjala vjen, zgjedhja e Trump president të Shteteve të Bashkuara”.
