Osumi përmbyt toka bujqësore dhe banesa në fshatin Moravë dhe në lagjen “Dafinat” në bashkinë e Urës Vajgurore.
Deri mesditën e sotme në fshatin Moravë uji ka përmbytur totalisht katër banesa, duke dëmtuar të gjitha orenditë shtëpiake. Po në këtë fshat dhjetë banesa janë përmbytur në katet e para, gjë që u ka dhënë mundësinë banorëve që të shpëtojnë kafshët shtëpiake dhe bagëtitë, prodhimet e tyre të stinës. Në këtë fshat shumë toka bujqësore tashmë janë nën ujë.
Nga ana tjetër vërshimi i lumit Osum nuk ka lënë pa prekur edhe këtë herë lagjen “Dafinat” në bashkinë e Urës Vajgurore, ku për shkak të nivelit të ulët banesat e para të kësaj lagje përmbyten sa herë ka reshje shiu me intensitet të lartë. Katër banesa në lagjen “Dafinat” tashmë janë nën ujë.
