“Parrullat me gurë” apo “Rrëfenja të një ndërkombëtari” janë tituj që të kujtojnë menjëherë autorin e tyre, shkrimtarin Ylljet Aliçka, i cili ndryshe nga sa mund të pritej nga lexuesi këtë herë vjen me një libër studimor. “Komunikimi dhe Kultura: Imazhi në Veprim”, botim i UET-Press, është në fakt një përmbledhje me esse, intervista dhe publicistikë të Ylljet Aliçkajt. Gjatë promovimit të librit miqtë dhe kritikët e vunë theksin pikërisht tek ky dimension i ri i autorit, pra daljen para lexuesit me mantelin e studiuesit, hulumtuesit në shkencat e komunikimit. Kolegu i tij Dr.Tomi Treska e vuri theksin pikërisht tek ky fakt, ose tek “rikthimi i profesorit” siç e cilësoi ai këtë libër. “Mendoj se ky është një rast unikal, pasi ne e dimë që Ylljet Aliçka ka sukses në fushën letrare, por ky libër vjen si studim dhe lajmtmotivi i sotëm është rikthimi i profesorit. Unë nuk suprizohem, por ndihem i vlerësuar që e kam pasur në dorë këtë libër, që më ka konfirmuar personalitetin e tij, jo vetëm si mësimdhënës i talentuar, por edhe si hulmtues në fushën e komunikimit dhe studimit, pavarësisht se atij laku ose kurthi që i ka dhënë natyra, që unë e quaj talent, duket se nuk i ka rrësqitur as në këtë libër. Pikëtrisht bashkimi i stilit të të shkruarit me skrupolozitetin e studiuesit sjell një krijim të një dimensioni të ri”, tha ndër të tjera Treska.
Ndersa vete autori duke folur per nje prej temave te prekura ne liber qe eshte imazhi i vendit tha se ne keqkuptohemi shpesh ne bote per imazhin qe kemi krijuar.
“Ka një diferencë të madhe se si e shohim ne veten, si na shohin të huajt në përgjithësi dhe si jemi realisht, mospërputhje që shpesh bëhet burim keqkuptimesh e zhgënjimesh. Fatkeqësisht, ne po e kuptojmë me shumë vonesë se nuk jemi as më të mirë, as më të këqij se popujt e tjerë, se glorifikimi pa kushte i gjithë asaj që vjen nga jashtë dhe nënshtrimi servil ndaj saj nxit pështirosjen dhe të fundos më keq në pozitat e nënshtrimit.“aleancat e flirtet fluide me të huajt me qëllim që “t’ia futësh tëndit”, tha nder te tjera ai.
