Gjiknuri-naftëtarëve të Ballshit: Jeni të parët që do merrni statusin

Ministri i Energjisë dhe Industrisë, Damian Gjiknuri u ka dhënë zgjidhje naftëtarëve të Ballshit dhe Fierit për njërën nga kërkesat e tyre.

Gjatë videokonferencës që kryeministri Rama ka zhvilluar paraditen e sotme me naftëtarët, ata kanë parashtruar edhe njëherë kërkesat e tyre, duke theksuar vijimin e punës në rafineri garantimin e pagave dhe sigurimeve shoqërore të prapambetura, si dhe zbatimin e statusit të naftëtarit.

Në përgjigje të kërkesave të tyre, ministri Gjiknuri ata do të jenë të parët që do të marrin statusin.

“Çështja e statusit të naftëtarit do të marrë zgjidhje. Problemi juaj do të trajtohet me përparësi. Në komisionin për dhënien e statusit, ju do të keni përparësi, do të jeni të parët që do merrni statusin. Mjafton vetëm bashkëpunim”, u shpreh ministri Gjiknuri.

http://www.balkanweb.com/site/ministri-gjiknuri-garanton-naftetaret-e-ballshit-jeni-te-paret-qe-do-merrni-statusin/