U zhvilluan paraditen e sotme, 7 takimet e vlefshme për javën e 24-t të Premier Ligës. Skuadrat e mëdha nuk kanë falur duke fituar pa probleme. Bëhet fjalë për Çelsin, Arsenalin, Maçester Junajtid dhe Leisterin.
Në takimin e orën 13:30, blutë e Londrës të drejtuar nga Antonio Konte kanë mposhtur Brajtonin me rezultatin 0-4. Hazard realizoi dopietë, ndërsa golat e tjerë u shënuan nga Uilliam dhe Moses.
Fitore bindëse edhe për Arsenalin, i cili vinte pas 2 barazimesh dhe 1 humbje. Skuadra e Venger, ka mposhtur Kristal Palas me rezultatin 4-1. Pa u mbushur minuta e 22-t, “topçinjtë” e panë veten në avantazhin e 4 golave. Ndërsa në minutën e 78-t Milivojeviç, realizoi golin e nderit për miqtë.
Nuk ka falur as Mançester Junajtid, i cili mposhti Bërnlin 0-1, duke regjistruar fitoren e tretë radhazi në kampionat. Golin për “djajtë e kuq” e shënoi Martial, në minutën e 54.
Leisteri ka bërë detyrën në shtëpi, duke mposhtur Uatfordin me rezultatin 2-0. Vardi dhe Mahrez ishin autorët e golave për skuadrën e Puel. Në 3 sfidat e tjera u regjistruan këto rezultate:
Everton – Uest Bromiç 1-1
Stoke – Hadërsfilld 2-0
Uest Hem – Bournemuth 1-1
Ndërkohë sfida e fundit e ditës së sotme mes Mançester Sitit dhe Njukastëll do të startojë në orën 18:30.
https://youtu.be/Tx-coIbUxkU
https://youtu.be/CNKLE9ybtho
