Arsen Wenger nuk do të jetë në stolin e Arsenal për 3 ndeshjet e ardhshme. Tekniku francez është dënuar nga federata angleze për shkak të sjelljes jo korrekte ndaj arbitrave.
Wenger në disa takime i ka kritikuar në mënyrë indirekte “xhaketat e zeza”, por së fundmi pas ndeshjesh me Chelsea-n 68-vjeçari ka shpërthyer në dhomat e zhveshjeve duke përdorur një fjalor jo të përshtatshëm kundër gjyqtarëve.
Përpos 3 ndeshjeve pezullim për sjelljet ‘anti-sportive’, “FA” e ka dënuar Wenger edhe me një gjobë prej 50 mijë eurosh.
