Palët dakordësi për përmirësimin e ligjit të koncesioneve
Koncesionet, falimentimi i biznesit dhe përmirësimi I kuadrit ligjor dhe procedurave të tyre kanë qenë temat e dikutimit që ministri i drejtësisë, Ylli Manjani pati gjatë takimit me shefen e Fondit Monetar Ndërkombëtar për Shqipërinë, Anita Tuladhar. Pas takimit u tha se gjithçka po bëhet për të rritur bashkëpunimin dhe për të përmirësuar klimën e biznesit në vend.
Manjani dhe Tuladhar kanë rënë dakord për ndërhyrjet ligjore që duhen bërë në këto aspekte. Ndërhyrjet më urgjente janë vlerësuar përmirësimi i kuadrit ligjor për falimentin, për përmbarimin si dhe për ligjin për Partneritetet Publike Private, apo si njihet ndryshe ligji për koncesionet. Pjesë e diskutimeve mes tyre ka qenë edhe ecuria e reformës në drejtësi.
