“Të gjithë këta që folën janë kapitenë në PS, por ata vijnë nga qendra e Tiranës dhe mbase nuk ju kuptojnë aq mirë. Unë jam i vetmi përfaqësues nga fshati në PS, sepse vij nga Surreli”, tha kryeministri në takim për anëtarësimet në PS.
Tash kryeministri ka nis me fol edhe si katunar edhe në emër të katunarëve. Përfaqëson Surrelin e Dajtin, sepse kohët e fundit ka fillu’ me banu’ atje në një kullë të mbyllur ku nuk ka shanc me e pa kush nga të Surrelit. Jo vetëm se shtëpia e kryeministrit është e veçuar, por doktori thotë se është pa dritare fare. Dhe po e tha doktori…
Rama katunarin nuk e kanë parë kurrë në kafen e Surrelit apo kund në Dajt të shkëmbejë ndonjë llafe muhabet me ta, por madje as gruan e tij, Lindën njeri nuk e ka vënë re. Si i thonë llafit, asiher’ s’ka kërku’ farë kosi te kojshijet surrelse apo të bëjë naj thashethem për Qefseren e Zylit që i është djeg byreku me hithra në saç…
