Shqipëria renditet në vendin e 109 sa i përket nivelit të lumturisë duke lënë pas vetëm Bullgarinë, Kosova në vendin e 77
Shqipëria ka humbur 14 vende në listën e renditjes sipas lumturisë së popujve. Shqipëria renditet në vendin e 109 dhe vendi më pak i lumtur në Evropë duke lënë pas vetëm Bullgainë. Të dhënat vijnë nga raporti i fundit të Organizatës së Kombeve të Bashkuara i cili i referohet periudhës kohore nga viti 2013 deri në 2015 Shqipëria. Gjatë kësaj kohe Shqipëria ka humbur 14 vende në krahasim me materialin e vitit të shkuar, që merrte nën shqyrtim vitet 2012-2014 dhe mbante pozitën e 95-të.
Në këtë raport Kosova është vendosur në vendin e 77-të, duke shënuar gjithashtu rënie në krahasim me vitet para-ardhëse.
Po të shohim renditjen rajonale, vendi më i lumtur është Rumania, që ndiqet nga Kroacia dhe Kosova që plotëson treshen e parë. Pas tyre, me radhë vijnë Serbia, Bosnje-Hercegovina, Mali i Zi, Maqedonia, Greqia dhe e parafundit është Shqipëria. Organizata e Kombeve të Bashkuar ka cilësuar Danimarkën si shtetin më të lumtur të botës, që është ndjekur nga Zvicra, e cila e mbante këtë vend një vit më parë. Treshja më e lumtur e globit plotësohet nga Islanda.
Zyrtarët e kësaj organizate kanë komunikuar se prosperiteti dhe zhvillimi i ekonomisë nuk është përbëjnë kriteret bazë në përcaktimin e renditjes. Ata kanë marrë si shembull, Shtetet e Bashkuara, të cilat pavarësisht zhvillimit, kanë një shoqëri e cila është shumë e orientuar drejt parasë.
Në matje janë shqyrtuar disa aspekte përfshirë mbështetjen sociale, pritshmëritë për një jetë të shëndetshme, liria për të marrë vendime mbi jetën, bujaria, perceptimi i korrupsionit etj. Tre vendet që qëndrojnë në fund të renditjes janë Togo, Siria dhe Burundi, ndikuar nga lufta dhe pasiguria për jetën.
