Kjo orë mësimi, për nxënësit e shkollës 9-vjeçare “Emin Duraku” është e vecantë. Me afrimin e festave të fundvitit, ata do të mësojnë se si të shkruajnë një kartolinë, për t’ja dhuruar njerëzve më të dashur. Mësuesja e klasës së 4-tërt C, tregon rëndësinë e kësaj ore mësimore.
“Vërtet kemi këtë rrugën elektronike, për të dërguar mesazhe. Por kartolina mbetet, sado tradicionale të jetë. Dhe duke parë edhe shkrimin, gjithë pjesën tjetër, më duket shumë interesante që të vazhdojë kjo traditë e kartolinës”.
Por këto kartolina janë të veçanta, pasi ato nuk janë të gatshme nga shtypshkronjat. Çdo kartolinë është prerë dhe skicuar nga vetë fëmijët. Secila prej tyre është një punim që mbart botën individuale të çdo nxënësi.
