Presidenti i vendit Ilir Meta gjatë takimit me ministrin italian të Drejtësisë Andrea Orlando, dha sot një mesazh të rëndësishëm për politikën shqiptare.
Nëpërmjet një postimi në Facebook, Presidenti tha se forcat politike paralamentare pa vonesë duhet të krijojnë urat e dialogut konstruktiv.
“Nënvizova se në Shqipëri është shumë e rëndësishme implementimi i reformës në sistemin e drejtësisë ku forcat politike paralamentare pa vonesë duhet të krijojnë urat e dialogut konstruktiv, sa më shpejtë me qëllim që procesi të udhëhiqet e të vendoset në shinat kushtetuese dhe Veneciane dhe në frymën e konsensusit të arritur më 21-22 korrik 2016”, u shpreh Meta.
