Pasojat e përmbytjeve të fundit nuk kanë kaluar ende, ndërsa shumë familje në periferi të Durrësit i tremben përkeqësimit të motit që paralajmëron të tjera reshje shiu.
Brenda shtëpive të vëllezërve Asqeri dhe Ndriçim Ziba, ku jetojnë 11 fëmijë nga 2 deri në 16 vjeç, temperaturat ndjehen nën zero, për shkak të lagështisë që ka pushtuar krejt muret e zhveshura. Varfëria është shtuar nga dëmet që ka shkaktuar përmbytja, ndërsa festat e fundvitit janë në prag.
“Më është përmbyt shtëpia. Batanijet, divanet e televizori na është prishur. Kemi marrë ca ushqime, makarona dhe oriz, po kemi nevojë për batanije dhe jorganë pasi na kanë dalë jashtë përdorimit ato që kishim”, shprehet një banore e zonës.
Familjet e dëmtuara kanë marrë një sasi të vogël ndihme në ushqime, po nevojat e tyre shkojnë përtej dhe shumë prej të dëmtuarve nuk mund t’i zëvendësojnë lehtë dëmet në kushtet e vështira ekonomiko-financiare në të cilat ndodhen. Ndërsa shirat kërcënojnë sërish.
mmhttp://gazeta-shqip.com/lajme/2017/12/09/banoret-e-ish-kenetes-ne-durres-ende-nen-uje/
