Komunikimi më intensiv tashmë kryhet nëpërmjet celularëve dhe kompjuterave, qoftë personal apo institucional.
Ajo që vihet re shpesh në monitorë apo fletë të printuara është deformimi i gjuhës shqipe, fjalë që shkruhen gabim, hapësira që nuk respektohen, apo edhe shkurtime.
Ndërsa mungesa e një tasti të veçantë për shkronjat “ç” dhe “ë”, ka bërë që ato thuajse të harrohen.
Deri më tani libri kishte mbetur e vetmja hapësirë ku gjuha shqipe ishte vetvetja, por si duket edhe këtu gabimet janë të panumërta.
Fotoreporterja Ivana Dervishi, duke sfiduar miqtë e saj në facebook me pyetjen: “Gjeni çfarë nuk shkon me këtë libër?”, ka postuar në fotografi në të cilën vihen re deformimet e sipërpërmendura.
