Rita Petro, poetja e cila u vlerësua me botimin “Vrima” si libri me poezi më i mirë për vitin 2014, ka “trazuar” sërish “ujërat” e rrjeteve sociale me poezinë e rradhës “Mallkimi i Parë”.
Poezia është komentuar masivisht në rrjetet sociale ndërsa i pari që e tha hapur nga personazhet publikë, atë që mendont për këtë poezi ishte moderatori Denis Dyrnjaja. Dyrnjaja e cilësoi “të neveritshme” poezinë që sipas tij predikon inçestin mes motrës dhe vëllait.
Sakaq, vetë autorja Rita Petro ka folur për newsbomb.al duke pohuar se njerëzit kanë lexuar vetëm pjesën e dukshme të poezisë.
“ Kjo është një poezi që Denisi dhe shumë të tjerë i kanë lexuar vetëm pjesën e dukshme. Kur të lexojnë nëntekstin, se poezia ka nëntekst, mbase do jetë vonë po më mirë vonë se kurrë”.
E pyetur se cili është nënteksti i kësaj poezie, Rita tha se e ka shumë të vështirë të interperpretojë ato që ndjen duke shtuar se pyetje të tilla, që i bëhen shpesh në fakt, e kthejnë pas në kohë, në shkollën fillore kur nxënësit pyeteshin nga mësuesit e tyre për mesazhin e një poezie.
“Nuk ka asnjë lidhje me dukurinë e incestit, lidhja e një vajze me një baba është shumë biologjike, është shumë instiktive, ka lidhje me psikoanalizën, me instiktin e njeriut, me edukimin seksual. Njihet lidhja e nënës me djalin apo babain e vajzën. Ashtu e kam ndjerë dhe kam guxuar ta them atë që ndjej”, thotë Rita Petro ndërsa shton se njerëzit po merren vetëm me fjalën “inçest” në këtë poezi sikurse u morën në librin e parë me “Vrimën”.
“Siç u morën me vrimën, u morën dhe me incestin po nuk ka ndodhur një fakt, është një poezi. Nngatërrimi i të përditshmes me poezinë është shqetësues. Njerëzit kanë nevojë të edukohen me leximin e poezisë ndryshe”, shton më tej autorja për newsbomb.al ndërsa sjell si shembuj edhe tekstet e bandave të rrokut, që siç u shpreh ajo, qysh herët kanë bërë revolucion.
POEZIA – “Mallkimi i parë”
Zoti im, ATI im
Cili është ai mashkull
Aq i bukur
Që po vjen te unë
Sytë shigjeta-tinëzare
Drejt në zemër
M’i ka ngulur?
Kur më prek
Me duart aq të buta
Lëkurën ma puçrron…
Pse kur më puth në qafë
Drithëroj e tëra
Njomem atje poshtë?
Buzët më hapen
E kërkojnë buzët e tij
Gjuha e tij e lëngësht
Gjuhën time do?
E kur kaq butësisht
Më përqafon
Ndiej në bark
Të ngjeshur
Mikun e tij të fortë!
Qepe gojën, boll
Mjaft me këto dokrra
Ai është vëllai yt
E kjo që mendon
Është blasfemi!
Në ferr do të digjesh
Nëse shkon me të
Kurrë më për gratë
S’do kem mëshirë
E në jetë të jetëve
Do të vuajnë
Mallkimin tim!
Në djall vafsh ti, o Atë
Bashkë me vullnetin tënd!
Vëllai im
Unë dua të kryej incest me ty!
