Nga Dorina Fejzullahu
Nëse do të kaloni në lagjen “5 Maji” (Rrapishtë) në Elbasan, bëni kujdes. Pas orës 5 të pasdites këtë lagje e pushton errësira. Prej vitesh mungon infrastruktura rrugore dhe ndriҫimi.
Për banorёt, kryesisht familje rome, çdo dy vite, ka vetëm premtime elektorale, premtime që ende sot nuk janë realizuar.
“Kemi frikë të kalojmë natën në lagje pasi nuk ka ndriçim”, tregon Raxhi Rakipi banor në këtë zonë.
“Gropat nëpër rrugicat e lagjes mbushen me ujë nga shirat dhe shpeshherë janë të rrezikshme për fëmijët. Makinat jo pak herë kanë shkaktuar dhe aksidente”, tregon Princ Mustafaji, banor i lagjes.
Pas kёrkesave tё shumta drejtuar shёrbimit publik të Elbasanit, e vetmja pёrgjigje zyrtare qё ata marrin ёshtё se për këtë zonë nuk ka plane infrastrukture.
Dhe sa kohё duhet qё kёta banorё tё vuajnё rrezikun e errёsirёs dhe aksidenteve?
Mos ndoshta duhet tё presin ende pёr disa ёndёrra tё tjera elektorale?!
