Bujar Muça, Deputeti i Partisë Drejtësi Integrim dhe Unitet në Elbasan ka dhënë dorëheqjen nga mandati i tij. Burime bëjnë me dije se dorëheqja e Muçës është bërë për arsye personale.
Muça u rendit i dyti në Elbasan në listën e PDIU-së. Personi pasues në listën e kandidatëve mësohet se është Elena Xhina, aktualisht nënkryetare e Këshillit të Qarkut Elbasan.
Në zgjedhjet parlamentare ajo u rendit e treta në listën e kandidatëve për deputetë, pas Aqif Rakipit dhe Bujar Muçës. Nëse Xhina pranon ajo do të ulet për herë të parë në Kuvend.
