Televizioni kroat ka raportuar se ish-komandanti i kroatëve të Bosnjës, Sllobodan Praljak, ka vdekur, qartasi, pasi ka pirë helm në Gjykatën për krime të luftës në Hagë.
Policia e Holandës ka refuzuar të komentojë.
Më herët Gjyqtarët e kanë suspenduar një seancë të apelit, pasi njëri prej gjashtë kroatëve të Bosnjës, të akuzuar për krime të luftës, ka pirë atë që tha se ishte helm, duke brohoritur dhe duke e ngritur një gotë te buzët e tij në Gjykatën e Kombeve të Bashkuara në Hagë.
Një zyrtar i gjykatës më vonë ka thënë se i akuzuari, Sllobodan Praljak, i cili pretendoi se ka pirë helm, ishte gjallë dhe nën kujdesin mjekësor.
Pralajk, ish-komandant i forcave kroate në Bosnjë gjatë luftës në periudhën 1992-95, duket se pinte diçka disa momente para se gjyqtarët e konfirmuan dënimin e tij me 20 vjet burg.
“Sllobodan Praljak nuk është kriminel lufte. E refuzoj vendimin me neveri”, tha Praljak.
Gjyqtari kryesues, Camel Agius, me të shpejtë e ndali procesin e dëgjimit të sotëm.
https://www.facebook.com/evropaelire/videos/10156026243617249/
https://www.evropaelire.org/a/28886403.html
