Që në debutimin në shtëpi, Shkëlzen Gashi ka arritur edhe fitoren e parë (1-0) me uniformën e Kolorado Rapids. Sulmuesi i Kombëtares tonë që u transferua nga Bazeli në merkaton e janarit ka qëndruar në fushë për 83 minuta dhe ka pasur 3-4 raste të mira shënimi. Sidoqoftë fitorja është shumë e rëndësishme, pasi vjen kundër një skuadre të madhe të futbollit amerikan, siç është Los Anxhelos Galaksi, ku luan Stiven Xherard, apo De Jong. Por megjithëse ka pasur pak kohë në dispozicion, Gashi ka gjetur edhe tifozët e tij, të cilët e kanë pritur pas ndeshjes për të pozuar me flamurin shqiptar. Më parë kanë qenë futbollistët e Kolorados që kanë dhuruar një shfaqe të bukur duke tentuar të shkruajnë korrekt emrin “Shkëlzen” dhe kanë gjetur që ai lidhet me një mal midis Shqipërisë dhe Kosovës.
