Një student shqiptar në Itali ka mbetur i plagosur me thikë nga persona ende të paidentifikuar.
Ngjarja ka ndodhur në një stacion autobusi në komunën Campogalliano, në Modena, ndërsa shqiptari i plagosur është rreth 19 vjeç.
Mediat italiane raportojnë se konflikti nisi fillimisht brenda në autobus, ku shqiptari u ka kërkuar dy agresorëve bashkë moshatarë të ulin volumin e muzikës që po dëgjonin. Sapo autobusi arrin në stacionin e radhës shqiptari zbret bashkë me agresorët të cilët e plagosin me thikë dhe ia mbathin.
Mësohet se i riu shqiptar studionte në Institutin “Vallauri di Carpi” dhe u dërgua në spital për ndihmë mjekësore.
http://www.balkanweb.com/site/studenti-shqiptar-ne-itali-plagoset-me-thike-ne-stacionin-e-autobusit/
