Në fjalën e tij në Kuvend, deputeti i PD, Tritan Shehu ka kërkuar nga zv.kryetarja e Kuvendit, Vasilika Hysi që të ndërpresë seancën, pasi nuk janë të pranishëm ministri i Financave dhe Kryeministri Edi Rama.
Shehu tha se diskutimet nuk kanë kuptim pa pjesëmarrjen e tyre.
“Diskutimi i buxhetit nuk mund të bëhet pa ministrin e Financave dhe kryeministrin. Thërrisni kryeministrin të vijë këtu. Ata duhet të jenë këtu sepse në të kundërt parlamenti nuk mund të funksionojë. Ndërprisni seancën. Qeveria të vijë këtu. Debati këtu i bie që është kot fare”, tha Shehu.
