Piktura “Salvator Mundi” e Leonardo da Vincit është shitur 450.3 milionë dollarë në Shtëpinë e ankandit Christie’s në New York.
E vlerësuar me këtë shumë, kjo pikturë është bërë vepra artit më e shtrenjtë që është shitur ndonjëherë në ankand.
“Salvador Mundi” besohet të jetë pikturuar diku pas vitit 1505. Kjo kryevepër është një prej 20 pikturave ekzistente të Da Vincit.
Vlerësimet nga ekspertët e artit kishin parashikuar oferta prej mbi 100 milionë dollarësh por interesi për pikturën rezultoi jashtë çdo pritshmërie, duke tejkaluar rekordin e mëparshëm të ankandit të mbajtur nga Picasso “Les Femmes d’Alger”, që ishte shitur për 179.4 milionë dollarë në vitin 2015.
Kryevepra u shit për 60 dollarë në vitin 1958, para se të identifikohej më në fund si vepra e Da Vincit në vitin 2011.
