Për shkak të rreshjeve të dendura shiu, pritet të shënohen probleme në disa zona të vendit.
Sipas parashikimit të Institutit të Gjeoshkencës, në buletinin më të fundit për rreziqet natyrore, pritet që shirat të jenë më të dendura në disa zona, duke shfaqur me shtrëngata, kurse në Vlorë, Gjirokastër dhe Korçë moti parashikohet i rrezikshëm dhe i shoqëruar me fenomene hidro-meteorologjike.
Për shkak të intensitetit të reshjeve, rrezijkohen përmbytje lokale në qarqet Korçë dhe Vlorë. Shtrëngata shiu do të ketë në Dibër, Elbasan, Korçë, Vlorë dhe Gjirokastër.
Sakaq, drejtuesit e mjeteve duhet të tregojnë kujdes edhe ndaj rrëshqitjeve të dheut, pasi specialistët e Institutit të Gjeoshkencave parashikojnë probleme në disa zona të vendit, kryesisht në Korçë, Gjirokastër dhe Vlorë.
